مد

طبیعی یاشاماق مددان دوشوب گئدیب ایشینین دالیسیجا ؛ بیر زامان توی گونو قیز ایله اوغلان آداملاری ، بی - گلین چییین به چییین دایاناندا ، اونلاری بیر قابدا گؤرونجه بیر - بیرلرینه پوز وئره رک شوخلوغا سالیب ، اوغلانین قیزدان باش اولماسینی ، قیزین اوغلاندان باش اولماسینی ، اوغلانین مین قیزا دیر یاراشیغینی ، قیزین مین ایییده دیر گؤزه للییینی پیچیلداشاردیلار ! ایندی ایسه بو سؤزلردن خبر یوخدور ؛ بی ایله گلین او قدر خرج گؤتوروبلر کی .... !

قیزلار آتاسی ائویندن چیخاندا داها آغلامیرلار ! خخخخ ... آغلایا بیلمزلر کی ... آغلاسالار خرجلری باتار داااا ! نمنه اوز - گؤزلرینه یاخیبلار ، هامیسی سیلینر ! هئچ اوغلانلار دا داها قیزی آپاراندا ، قیزین آتاسی قیزا خئییر - دوعا وئرنده ترله میرلر ! خخخخخ .... ترله ینمزلر کی ... ترله سلر خرجلری باتار داااااا ! نمنه اوز - گؤزلرینه یاخیبلار هامیسی سیلینر !

ائله بو ایشلره خاطیر ایندینین تویلاریندا ، قیز ایله اوغلان آداملاری ، بی - گلین چییین به چییین دایاناندا بیر باشقا سؤزلر ایله بیر - بیرلرینه پوز وئریب شوخلوق ائدیرلر : « بیزیم قیزی بزه ین ، سیزین اوغلانی بزه یندن اوستایمیش ! » ، « بیزیم اوغلانین قاشلاری سیزین قیزینکیندان اینجه آلینیب ! » ، « بیزیم قیزین ماتیکینین رنگی سیزین اوغلانینکیندان آچیقدیر ! » و ... ! ائله بو بزک - دوزک ، تاتو - ماتو ، بورون - مورون ، تزریق - مزریق باعث اولور دااااا ایندینین اوشاقلاری نه آناسینا اوخشاسین نه آتاسینا ! هامی منیم کیمی مینیاتور اولماز کی " هریس " فرشی کیمی گئت به گئت گؤزللییینه چوخالا آما هردن من ده اؤز - اؤزومه دئیرم : « کاش بئلنچی ایشلر 10 اون قاباق مد اولایدی ؛ ائله سئوردیم ساچلاریما مئش قویدورماغی ، آما حیف داااااااا حیف !

بو زامانین اینسانلاری ، اؤزلری بس دئییل ، مئیوه لر ایله یئمکلری ده مدا سالیبلار ! بیر زامان بیر نیسان قارپیزی دینقیلدادیب ، هانکیسینین سسیندن خوشوم گلسه یدی اونو سئچیب آلاردیم . دینقیلداتدیغیم قارپیزی شیشه - شیشه قولتوغوما آلیب ائوه ساری یولا دوشردیم ، سونرا آرواد - اوشاق یانیندا اونو قینقیدیب ، قیپ - قیرمیزی اولماغینا گووه نردیم ! ایندی زمینین ان کال قارپیزینین دادی نه اولورسا اولسون ، رنگی قیپ - قیرمیزیدیر . بیلمیرم داوا قاتیرلار ، بیلمیرم سو یئرینه گیلانار شربتی ایچیردیرلر قارپیزلارا ، بیلمیرم کی ... ! اونا خاطیر دااااا بیر زامان بیرینین بؤیره یی داش باغلاسایدی ، قارپیز یئییب اونو دوشورردی ، ایندی ایسه بؤیرکلر اؤزلری قارپیز باغلاییر ! داها علاجی دا یوخدور هااااااا ، علاجی 18 مته ایله قابیرغانین آلتین دلیب ، بؤیرکلره پمپ قوشماق ، اونلاری بوشالتماقدیر !

البته بئله قاباغا گئدیکجه اینسانلارین دا بدنی بئلنچی مصنوعی یئمکلره عادت ائده جک ! نئجه بیر زامان " گوسیپول " یاغی ایله " شام " ( شمع ) دوزلدردیلر ، ادیسونون اختراعی ، شام یاندیرماغی مددان سالاندان ، گوسیپول یاغینین ایچینه بیر دامجا مثلن " گونه باخان " مزه سی قاتیب بیزه ساتیرلار ، بیزلر ده اونونلا " قارا بادیمجان " قیزاردیب یئییریک ! خخخخ ... نئجه بیر زامان " پالم " یاغی ایله " صابون " دوزلدردیلر ، ایندی کیفیرلشمک فیکیرلشمه یین یئرین توتاندان صابون مددان دوشوب ، پالم یاغینین ایچینه بیر دامجی مثلن " سویا " مزه سی دامیزیب قیزارتما یاغی آدینا جماعته ساتیرلار ! یئنه ده خخخخخ ... زهیرلی " ترانس یاغی " ( چرب ترانس ) نین بدنه ضررلی اولدوغونا خاطیر یئمه لی ساییلمیر آما طبیعی یاغا قاتیلیرسا ، یوزده 12 دن آرتیق اولماغی یاساقدیر ؛ ایندی آما ترانس یاغینین ایچینه بیر دامجی مکه یاغی دادیزدیریلیب سوفرالاریمیزین باشینا یوللانیر !

جماعت بو یاغلارا عادت ائله دیکجه ، ساری یاغدان ، جان یاغیندان ، زیتون یاغیندان ، قویروق یاغیندان ، دئمک طبیعی سالیم یاغلاردان آجیغی گلیر ، ایسیندن اوره یی قالخیردااااا ! صاباح بیریسی گون بو یاغلار دا مددان دوشوب ، تورموز یاغی ، گیربکس یاغی ، هیدرولیک یاغی ، موتور یاغی و ... بئلنچی یاغلار ایله تویوق قیزارداجاغیق ! زهیرلی ( سمی ) یاغلار بیزه نئیله یه بیلدی کی بو سونرا مد اولاجاق یاغلار دا نه ائده بیله ؟ سرطان زاد دا هامیسی سیگاردان گلیر ! خخخخ سیگار چکیلمه سه هر نه دوزه لر !

+ نوشته شده توسط پیس اوشاق در یکشنبه نهم آبان ۱۳۹۵ و ساعت 22:52 |